Azərbaycan, Bakı, 20 sentyabr /Trend, müxbir A.Axundov/
Rusiyanın "Soqlasiye" (Согласие) sığorta şirkəti Azərbaycan bazarına sığortanın yeni növü olan ticarət kreditlərinin sığortalanmasını təklif edir. Trend-in məlumatına görə, bu barədə jurnalistlərə şirkətin baş direktoru Elnur Süleymanov bildirib.
Yayda Azərbaycanda nümayəndəliyini açan "Soqlasiye" sığorta şirkəti dünən Bakıda Azərbaycan bazarı üçün yeni sığorta növü olan ticarət kreditlərinin sığortalanmasının təqdimatını keçirib. Seminarda Azərbaycanın aparıcı sığorta şirkətlərinin nümayəndələri iştirak edib.
"Bu innovasiya növü yalnız Azərbaycan üçün deyil, həm də Rusiya üçündür. Dünyada sığortanın bu növü ilə çox məhdud sayda şirkətlər məşğul olur, biz on ildən çoxdur onlarla işləyirik", - Süleymanov deyib.
Ticarət kreditlərinin sığortası möhlət şərtləri ilə verilən malların və ya uzunmüddətli ödəməmə riskindən və ya alıcının müflisləşməsi ilə əlaqədar ödəniş möhlətləri, həmçinin alıcıdan sığortalanmış ləngidilmiş borcun almasına görə çəkilmiş xərclərlə bağlı təchizatçının əmlak maraqlarının müdafiəsidir.
"Soqlasiye" sığorta şirkətinin nümayəndəliyi iyunun 19-da Azərbaycanın vergi orqanlarında dövlət qeydiyyatından keçib. Nümayəndəliyə Emin Aslanov rəhbərlik edir.
Nümayəndəlik qarşısında Azərbaycanın yerli şirkətləri ilə tərəfdaşlıq əlaqələrinin qurulması dayanır. Bu, onların "Согласие"də risklərinin təkrar sığortalanması çərçivəsində həyata keçirlir.
"Согласие" MMC 1993-cü ildə təsis edilib, 90-dan artıq sığorta və təkrar sığorta növləri üzrə fəaliyyət göstərir. Şirkətin nizamnamə kapitalı 4,3 milyard rubl (134,8 milyon dollar) təşkil edir. Şirkətin regional şəbəkəsi 700 struktur bölməsindən ibarətdir. Bu bölmələr Rusiyanın bütün federal dairələrində fəaliyyət göstərir.
2012-ci ilin I yarısının yekunları üzrə şirkətin topladığı sığorta haqlarının həcmi 16,4 milyard rubl (514 milyon dollar), sığorta ödənişləri isə 8,3 milyard rubl (260 milyon dollar) təşkil edib.
"Эксперт РА" reytinq agentliyi şirkətin etibarlılıq reytinqini A++ "Müstəsna etibarlılığın yüksək səviyyəsi"nədək qaldırıb, proqnoz reytinqi isə "sabit"dir.