Azərbaycan, Bakı, 15 oktyabr /Trend, müxbir A.Axundov/
2013-cü ildə Azərbaycanın dövlət büdcəsinə gələn gəlirlərin 59,3 faizi, yaxud 11,35 milyard manat ölkənin Dövlət Neft Fondundan (ARDNF) transfertlər hesabına təmin olunacaq. Trend-in məlumatına görə, bu barədə Azərbaycan Maliyyə Nazirliyinin bazar ertəsi yaydığı məlumatda deyilir.
Gəlirlərin 33,4 faizi, yaxud 6,4 milyard manat Vergilər Nazirliyinin, 7,2 faizi, yaxud 1,4 milyard manat Dövlət Gömrük Komitəsinin (DGK), 0,1 faizi, yaxud 19 milyon manat başqa gəlirlərin xətti ilə əldə olunacaq.
2013-cü ildə ARDNF-dən transfertlər 2012-ci ilin göstəriciləri ilə müqayisədə 14,59 faiz, 2011-ci ilin faktiki göstəriciləri ilə müqayisədə isə 26,11 faiz artacaq. Dövlətin ümumi gəlirlərində onların payı 59,3 faiz artacaq. Bu göstərici 2012-ci ildə 58,13, 2011-ci ildə isə 57,32 faiz təşkil edib.
Vergi daxilolmalarının 41,2 faizi, yaxud 2,64 milyard manat neft sektorunun, 58,8 faizi, yaxud 3,76 milyard manat qeyri-neft sektorunun hesabına təmin olunacaq.
Ümumilikdə 2013-cü ildə Vergilər Nazirliyinin gəlirləri 2012-ci ilin proqnoz göstəricilərini 488,4 milyon manat və ya 8,3 faiz, 2011-ci ilin faktiki göstəricilərini 928,1 milyon manat və ya 14,6 faiz, qeyri-neft sektoru üzrə vergi daxilolmaları, müvafiq olaraq, 480 milyon manat və ya 14,6 faiz və 879,7 milyon manat, yaxud 30,5 faiz təşkil edəcək.
Gələn il DGK xətti ilə daxilolmalar 2012-ci ilin proqnoz göstəricilərini 180 milyon manat və ya 15 faiz, 2011-ci ilin faktiki göstəricilərini isə 238,5 milyon manat və ya 20,9 faiz üstələyəcək.
Proqnozlara görə, gələn il dövlət büdcəsinin gəlirləri 19,154 milyard manat (2013-cü il üçün proqnozlaşdırılan ÜDM-in 34,2 faizi) təşkil edəcək və bu ilin proqnoz göstəricilərini 2,116 milyard manat, yaxud 12,4 faiz, 2011-ci ilin faktiki göstəricilərini idə 3,453 milyard manat və ya 22 faiz üstələyəcək.
