Azərbaycan, Bakı, 17 oktyabr /Trend, müxbir A.Axundov/
Azərbaycanda ilk və yeganə qazobeton istehsalçısı "AAC" MMC Qazaxıstana məhsul ixrac etməyə başlayıb. Bu barədə çərşənbə günü Trend-ə müəssisənin marketinq və satiş şöbəsinin müdiri Vüqar Həmidov deyib.
"Biz hazırda ixracata doğru ilk addımı atmışıq. Gələcəkdə istehsalımızın 20 faizini ixaraca ayırmağı planlaşdırırıq. İxracat üçün böyük potensial var", - Həmidov qeyd edib.
Onun sözlərinə görə, şirkət Rusiya, Gürcüstan və İran kimi qonşu ölkələrin bazarlarını da öyrənir.
"Biz gələn il Qazaxıstana ixracı artırmağı və Rusiyanın cənub regionuna məhsul tədarük etməyi nəzərdə tuturuq", - Həmidov vurğulayıb.
