...

"Bank of Baku"nun müştəriləri pulsuz danışmağa başladı

Biznes və iqtisadiyyat xəbərləri Materials 1 Noyabr 2012 16:24 (UTC +04:00)
"Bank of Baku" "Dostlar Klubu"nun üzvləri üçün Azərbaycanda ilk dəfə mobil rabitə sahəsində növbəti yeniliyinə start verdi.
"Bank of Baku"nun müştəriləri pulsuz danışmağa başladı

Azərbaycan, Bakı, 1 noyabr /Trend/

"Bank of Baku" "Dostlar Klubu"nun üzvləri üçün Azərbaycanda ilk dəfə mobil rabitə sahəsində növbəti yeniliyinə start verdi.

Bankdan Trend-ə verilən məlumata görə, beləliklə, artıq "Dostlar Klubu"nun hər bir üzvü krediti ödəyərkən topladığı bonusların 1/5 hissəsini (5 bonus 1 manata bərabərdir) bankda qeydiyyatda olan mobil telefon nömrəsində danışıq vaxtına çevirə bilər. Bunun üçün istənilən gün və saat 8145 nömrəsinə xüsusi SMS göndərmək kifayətdir. Əvvəlcə balansındakı bonusların miqdarını öyrənmək istəyənlər 8145 nömrəsinə aşağıdakı məzmunlu SMS göndərməlidirlər:

Dost (boşluq) 6 rəqəmli müştəri kodu

Misal: Dost 123456

SMS göndərən müştəriyə "Bank of Baku"dan cavab ismarıcı gələcək. Balansında azı 5 bonus olan şəxs bu bonusları minimum 1 manatlıq danışıq vaxtına çevirə bilər.

Balansına bələd olan və azı 5 bonusu olan şəxs bonusunun 1/5 hissəsi olan 1 manatlıq danışıq vaxtını yükləmək üçün 6 rəqəmli müştəri kodunu (boşluq), mob (boşluq) 1 rəqəmini SMS ilə göndərməlidir.

Misal: 123456 mob 1

Bonus məbləği daha yüksək olan şəxslər daha çox mobil danışıq vaxtını yükləyə bilərlər. Bunun üçün sadəcə son rəqəmi dəyişdirmək lazımdır.

Misal: 123456 mob 1,2,3 və ya 4...və s.

Ölkədəki hər 3 operatorun (Azercell, Bakcell, Nar Mobile) abonentləri bonuslarını mobil danışıq vaxtına çevirə bilər.

"Dostlar Klubu" barədə daha ətraflı məlumatı bankın 145 Məlumat Mərkəzindən və ya sosial şəbəkə səhifəsindən əldə etmək olar: https://www.facebook.com/Dostlarklubu

Məqalədə:
Xəbər lenti

Xəbər lenti