Azərbaycan, Bakı, 8 noyabr /Trend/
Noyabrın 7-8-də Bakıda İqtisadi Əməkdaşlıq Təşkilatının (İƏT) İqtisadi Tədqiqatlar üzrə Daimi İşçi Qrupunun 2-ci iclası keçirilib. İclas çərçivəsində bu gün təşkilatın "İqtisadiyyat" jurnalının redaksiya heyətinin 1-ci görüşü də keçirilib.
İqtisadi İnkişaf Nazirliyinin mətbuat xidmətindən Trend-ə verilən məlumata görə, tədbirdə "İqtisadiyyat" jurnalının redaksiya heyətinin tərkibi təsdiq edilib, sədr və müavinləri seçilib, prioritet istiqamətlər müəyyənləşdirilib, fəaliyyət və idarəetmə mexanizmləri ətrafında müzakirələr aparılıb.
İqtisadi İslahatlar Elmi-Tədqiqat İnstitutunun direktoru Vilayət Vəliyev jurnalın baş redaktoru seçilib.
Qeyd edək ki, "İqtisadiyyat" jurnalının redaksiya heyətinin üzvləri İƏT-ə üzv ölkələrin nümayəndələrindən ibarətdir.