Azərbaycan, Bakı, 11 yanvar /Trend, müxbir A.Axundov/
2012-ci ilin noyabrında Azərbaycan Mərkəzi Bankı (AMB) yanında Mərkəzləşdirilmiş Kredit Reyestri Xidmətinə 122 812 müraciət daxil olub. Trend-in məlumatına görə, bu barədə Azərbaycan Mərkəzi Bankının statistik hesabatında deyilir.
2011-ci ilin müvafiq dövr göstəricisi (41 582 sorğu) ilə müqayisədə Xidmətə müraciətlər təqribən üç dəfə artıb.
Noyabrda banklardan kredit reyestirnə 122 582 sorğu daxil olub, 230 nəfər öz kredit tarixçəsi barədə məlumat almaq məqsədilə müraciət edib.
Noyabr ayının sonuna olan məlumata görə, kredit reyestrində haqqında məlumat olan borcalanların sayı 1 499 318, kredit məlumatlarının ümumi sayı isə 4 065 375 təşkil edir.
Reyestrdə olan zaminlər haqqında məlumatların sayı 529 169-dur.
Qeyd edək ki, Mərkəzləşdirilmiş Kredit Reyestri Xidməti 2005-ci ilin martından fəaliyyət göstərir.
