Azərbaycan, Bakı, 19 yanvar /Trend, müxbir A.Axundov/
2012-ci ildə Azərbaycan ərazisindən nəqliyyat vasitələri ilə 56,614 milyon tondan artıq yük daşınıb ki, bu da 2011-ci ilin göstəricisindən 5,19 faiz azdır. Bu barədə şənbə günü Trend-ə Azərbaycan Dövlət Gömrük Komitəsindən (DGK) məlumat verilib.
Həmin dövrdə yük ixracı 30,32 milyon ton, idxal isə 9,58 milyon ton təşkil edib.
2012-ci ildə dəniz nəqliyyatı ilə 252,25 min ton, dəmir yolu nəqliyyatı ilə 2,91 milyon ton, avtomobil nəqliyyatı ilə 586 min ton, hava nəqliyyatı ilə 392,17 min ton yük daşınıb, boru kəmərləri ilə nəql 26,18 milyon ton təşkil edib.
Dəniz nəqliyyatı ilə 1,5 milyon ton, dəmir yolu nəqliyyatı ilə 6,02 milyon ton, avtomobil nəqliyyatı ilə 1,94 milyon ton və hava nəqliyyatı ilə 21,13 min ton idxal edilib.
2012-ci ildə Azərbaycan ərazisi ilə tranzitlə 16,71 min ton yük daşınıb.
