Azərbaycan, Bakı, 21 yanvar /Trend, müxbir İ.Xəlilova/
Azərbaycan investorları Qırğızıstanın Talas vilayətindəki "Ceruy" qızıl yatağının işlənməsi ilə bağlı lisenziyanın satışı üzrə müsabiqədə iştirak etməyə dəvət olunur.
Müsabiqə bu il elan ediləcək.
Trend-in bazar ertəsi Azərbaycanda İxracın və İnvestisiyaların Təşviqi Fonduna (AZPROMO) istinadən verdiyi məlumata görə, müsabiqə ilə bağlı hər hansı məlumatı bu ölkənin Geologiya və Mineral Sərvətlər Dövlət Agentliyinin www.geology.kg rəsmi internet saytından əldə etmək mümkündür.
Qeyd edək ki, "Ceruy" yatağı Qızğızıstanda qızıl ehtiyatları üzrə "Kumtor" yatağından sonra ikinci yeri tutur.
