Azərbaycan, Bakı, 8 fevral /Trend, müxbir A.Axundov/
Cari ilin yanvar ayının 1-dən qüvvəyə minən Vergi Məcəlləsində dəyişikliklər ölkənin sığorta və qiymətli kağızlar bazarının inkişafına əlverişli təsir göstərəcək.
Trend-in məlumatına görə, bu barədə Vergilər Nazirliyinin Vergi siyasəti və strateji araşdırmalar baş idarəsinin rəisi Akif Musayev cümə günü Bakıda keçirilən "Azərbaycanın vergi sistemi: reallıqlar və perspektivlər" mövzusunda II vergi forumunda çıxışı zamanı bildirib.
Musayevin sözlərinə görə, həmçinin dəyişikliklərdən sonra sığorta agentləri və brokerlərin fəaliyyəti ƏDV-dən azad edilib.
"Hazırda iştirak paylarının və ya səhmlərin təqdim edilməsi də ƏDV-dən azad olunub", - Musayev qeyd edib.