...

2014-cü ildə Azərbaycanda yeni yol layihəsinin reallaşdırlmasına başlanıla bilər

Biznes və iqtisadiyyat xəbərləri Materials 23 Avqust 2013 14:29
Ucar-Zərdab-Ağcabədi avtomobil yolunun yenidən qurulması və modernləşdirilməsi 230 milyon dollara başa gələ bilər.

Trend-i buradan izləyin

Azərbaycan, Bakı, 23 avqust /Trend, müxbir E.İsmayılov/

Ucar-Zərdab-Ağcabədi avtomobil yolunun yenidən qurulması və modernləşdirilməsi 230 milyon dollara başa gələ bilər. Bu barədə Trend-ə Nəqliyyat Nazirliyinin " Azəryolservis" SC-dəki mənbə bildirib.

O qeyd edib ki, ilkin məlumatlara görə, avtomobil yolunun yenidən qurulması üzrə nəzərdə tutulan vəsaitlərin ümumi həcmindən 150 milyon dolları beynəlxalq maliyyə institutlarından cəlb etmək planlaşdırılır: "Layihənin texniki-iqtisadi əsaslandırılması İslam İnkişaf Bankının (İİB) texniki köməyi hesabına hazırlandığından kreditin də bu maliyyə institutundan cəlb ediləcəyi istisna edilmir".

Maliyyələşdirmənin qalan hissəsi layihədə dövlətin iştirak payının hesabına təmin ediləcək.
Hazırda bu yol layihəsinin müzakirəsi üzrə bankın missiyası Bakıdadır.

Mənbənin sözlərinə görə, layihəyə hazırlığın gedişinin müvəffəqiyyətli olduğu təqdirdə tikinti işlərinə artıq 2014-cü ilin ikinci yarısında başlanıla və 2017-ci ilə yekunlaşdırıla bilər. Layihə 76 kilometr uzunluğunda ərazidə işlərin görülməsini nəzərdə tutur. Yenidənqurma işləri nəticəsində ikizolaqlı avtomobil yolunun vəziyyəti üçüncü texniki kateqoriyadan ikinciyə qaldırıla bilər.

Məqalədə:
Xəbər lenti

Xəbər lenti