Azərbaycan, Bakı, 5 sentyabr /Trend, müxbir E.Əliyev/
2013-ci ilin yanvar-iyul aylarında Azərbaycan Mərkəzi Bankı (AMB) yanında Mərkəzləşdirilmiş Kredit Reyestri Xidmətinə 203 688 müraciət daxil olub. Trend-in məlumatına görə, bu barədə Mərkəzi Bankın statistik hesabatında deyilir.
2012-ci ilin müvafiq dövr göstəricisi (87 448 sorğu) ilə müqayisədə Xidmətə müraciətlər 2,33 dəfə artıb.
İyulda banklardan kredit reyestrinə 203 174 sorğu daxil olub, 514 nəfər öz kredit tarixçəsi barədə məlumat almaq məqsədilə müraciət edib.
İyul ayının sonuna olan vəziyyətə görə, kredit reyestrində haqqında məlumat olan borcalanların sayı 1 777 608 nəfər, kredit məlumatlarının ümumi sayı isə 5 472 396 təşkil edir.
Reyestrdə olan zaminlər haqqında məlumatların sayı 650 556-dır.
Qeyd edək ki, Mərkəzləşdirilmiş Kredit Reyestri Xidməti 2005-ci ilin martından fəaliyyət göstərir.