Azərbaycan, Bakı, 10 sentyabr /Trend, müxbir E.İsmayılov/
Bakı-Astara (İran istiqamətində) avtomobil yolu 2016-cı ildə tam istismara veriləcək. Trend-in məlumatına görə, bu barədə çərşənbə axşamı jurnalistlərə nəqliyyat nazirinin müavini Musa Pənahov deyib.
Nazir müavininin sözlərinə görə, tikilən avtomobil yolunun istiqamətinin dəyişdirilməsi avtomobillərin böyük şəhərlərə daxil olmadan hərəkətini təmin edəcək: "Tikinti həm yolu təxminən 40 kilometr qısaldacaq, həm də təhlükəsiz və sürətli hərəkəti təmin edəcək".
Qeyd edək ki, uzunluğu 112 kilometr olan Ələt-Astara (Ələt-Masallı) yolunun bir hissəsi Dünya Bankının krediti və Azərbaycan hökumətinin vəsaiti hesabına tikilir. Uzunluğa 60 kilometrdən çox olan yolun qalan hissəsi (Masallı-Astara) isə Asiya İnkişaf Bankının vəsaiti hesabına tikilir.
