Azərbaycan, Bakı, 19 oktyabr /Trend/
19-22 noyabr 2013-cü il tarixlərində Ukraynanın Kiyev şəhərində XII Beynəlxalq Sənaye forumu çərçivəsində bir neçə sərgi təşkil olunacaqdır. Bu barədə Azərbaycanda İxracın və İnvestisiyaların Təşviqi Fondunun (AZPROMO) rəsmi saytında yerləşdirilən məlumatda bildirilir.
Məlumatda bildirilir ki, forum çərçivəsində metal emalı, maşınqayırma və əlaqəli sahələr, o cümlədən elmi-praktiki konfranslar proqramı, seminarlar və sərgi iştirakçılarının təqdimatının keçirilməsi planlaşdırılır.
Məlumatda vurğulanır: "Azərbaycanlı sahibkarlar tədbirdə iştirak etməyə dəvət olunurlar".
Əlavə məlumat almaq istəyənlər AZPROMO-ya və Ukraynanın Azərbaycandakı səfirliyinə müraciət edə bilərlər.