Azərbaycan, Bakı, 13 yanvar /Trend, müxbir E.Əliyev/
Azərbaycan regionlarından (Bakı istisna olmaqla) bank sisteminə cəlb edilən əhali əmanətləri 2013-cü ilin yanvar-noyabr aylarında 475,7 milyon manat və ya bank əmanətlərinin ümumi həcminin 7,4 faizini təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
Bakı üzrə bu göstərici 5943,9 milyon manat təşkil edib. Burada milli valyutada əmanətlərın payı 3586,5 milyon manat olub. Ölkə üzrə orta faiz dərəcəsi hesabat dövründə 8 faiz, Bakı üzrə isə 8,1 faiz təşkil edib.
Abşeron iqtisadi rayonu üzrə əmanətlərin həcmi 151,2 milyon manat (orta dərəcə 9 faiz), Aran iqtisadi rayonu üzrə 135,9 milyon manat (7,4 faiz), Dağlıq Şirvan - 14,1 milyon manat (6 faiz), Gəncə-Qazax - 53,1 milyon manat (5,4 faiz), Quba-Xaçmaz - 18,2 milyon manat (6,2 faiz), Lənkəran - 41,2 milyon manat (7,5 faiz), Şəki-Zaqatala - 20,8 milyon manat (5,5 faiz), Yuxarı Qarabağ - 11,6 milyon manat (4,3 faiz), Kəlbəcər-Laçın - 7,4 milyon manat (4,7 faiz), Naxçıvan iqtisadi rayonu üzrə isə 21,7 milyon manat (3,2 faiz) təşkil edib.
