...

Azərbaycanın nəqliyyat sektoru yükdaşımaların həcmini cüzi artırıb

Biznes və iqtisadiyyat xəbərləri Materials 14 İyun 2014 15:51

Trend-i buradan izləyin

Azərbaycan, Bakı, 14 iyun /Trend, müxbir E. Əliyev/

2014-cü ilin yanvar-may aylarında Azərbaycanın nəqliyyat sektoru ilə 87,4 milyon ton yük daşınıb ki, bu da ötən ilin eyni dövründən 2,1 faiz çoxdur. Trend-in məlumatına görə, bu barədə Dövlət Statistika Komitəsinin 2014-cü ilin ilk 5 ayının nəticələri üzrə hesabatında deyilir.

Hesabata əsasən, 5 ayda qeyri-neft yüklərinin həcmi 3,7 faiz artaraq 60,5 milyon ton təşkil edib.

Hesabat dövründə daşınan yüklərin ümumi həcminin 75,6 faizi özəl sektorun payına düşüb. Yüklərin 55,4 faizi avtomobil nəqliyyatı, 30,4 faizi boru kəməri, 9,5 faizi dəmiryolu, 4,7 faizi isə dəniz nəqliyyatı ilə daşınıb.

Ötən il Azərbaycanın nəqliyyat sektoru ilə 218 milyon ton yük daşınıb ki, bu da 2012-ci ilin göstəricisindən 3,4 faiz çoxdur.

Yanvar-may aylarında sərnişin nəqliyyatı ilə 709,8 milyon nəfər daşınıb ki, bu da ötən ilin müvafiq dövründən 5,8 faiz çoxdur. Sərnişinlərin əsas hissəsi avtomobil nəqliyyatı (86,9 faiz) və metropolitenlə (12,9 faiz) daşınıb.

Hesabat dövründə dəmiryol nəqliyyatı ilə 8,3 milyon ton yük daşınıb. 2013-cü ilin analoji dövründə bu rəqəm 9,2 milyon ton olub.

Yanvar-may aylarında dəniz nəqliyyatı 4,2 milyon ton yük daşınıb. 2013-cü ilin analoji dövründə bu rəqəm 5,1 milyon ton olub. Daşınan yüklərin bütün həcmi beynəlxalq əməliyyatların payına düşür. Azərbaycan limanlarında emal olunmuş yüklərin həcmi yanvar-mayda 5,3 milyon ton təşkil edib.

Avtomobil nəqliyyatı ilə 48,3 milyon ton yük daşınıb. Bu, ötən ilin yanvar-may aylarındakından 3 faiz çoxdur. Hesabat dövründə sərnişindaşımanın həcmi 616,9 milyon nəfər (artım 6,1 faiz) təşkil edib. Sərnişinlərin 96,1 faizi avtobuslarla, 3,9 faizi minik avtomobilləri ilə daşınıb.

Metropolitenlə sərnişindaşımanın həcmi ötən ilin müvafiq dövrü ilə müqayisədə 4,22 faiz artaraq 91,3 milyon nəfər təşkil edib.

Yanvar-may aylarında hava nəqliyyatı ilə 609,1 min sərnişin daşınıb. Bu, ötən ilin analoji dövr göstəricisindən 3,2 faiz çoxdir. Bu növdə daşımaların 0,2 faizi özəl sektorun payına düşüb.

Məqalədə:
Xəbər lenti

Xəbər lenti