...

Mərkəzi Bank: Azərbaycanda mənzil-əmanət bankı yeni institut qismində yaradılacaq

Biznes və iqtisadiyyat xəbərləri Materials 25 İyun 2014 19:06 (UTC +04:00)

Azərbaycan, Bakı, 25 iyun /Trend, müxbir Zülfiyyə Qurbanova/

Azərbaycanda yaradılması planlaşdırılan mənzil-əmanət bankı tam yeni institut olacaq. Bunu Trend-ə Azərbaycan Mərkəzi Bankının (AMB) baş direktoru Rəşad Orucov deyib.

Onun sözlərinə görə, belə bankın yaradılması AMB-nin baxılması üçün hökumətə təqdim edilən ipoteka kreditləşməsinin inkişafı strategiyasına daxil edilib: "Alman modeli üzrə mənzil-əmanət bankının yaradılması bu strategiyanın vacib istiqamətlərindəndir. Bankın yaradılması prosesi strategiya qəbul edildikdən sonra başlaya bilər. Buna görə də tarix və digər detallar barədə danışmaq hələ tezdir".

R.Orucov bildirib ki, belə bankın yaradılması və ucuz mənzilin tikintisinin stimullaşdırılması kompleks qaydada həyata keçiriləcək: "Buna görə də sənəd ipoteka kreditləşməsinin inkişaf strategiyası adlanır. Əvvəl qeyd etdiyimiz kimi, Azərbaycan İpoteka Fondu mənzil maliyyələşdirilməsi probleminin yeganə həlli deyil. Kompleks yanaşma hazırlamaq və digər ölkələrin təcrübəsindən istifadə etmək lazımdır".

Mənzil-əmanət bankının məğzi ondan ibarət olacaq ki, vətəndaşlar banka pul qoymaqla ipoteka kreditləri əldə edəcəklər. Bu zaman kreditin həcmi əmanətin məbləğindən xeyli yüksək olacaq.

Məqalədə:
Xəbər lenti

Xəbər lenti