Azərbaycan, Bakı, 2 iyul /Trend, müxbir Emin Əliyev/
Beynəlxalq Sığorta Şirkəti (BSŞ) beynəlxalq reytinq almaq üzrə işə başlayır.
Trend-in məlumatına görə, şirkətin İdarə Heyətinin sədr müavini İlham Əliyev mətbuat konfrasda qeyd edib ki, iyun ayının sonunda Niderlandın "ING Bank"ından rəsmiləşdirilmiş 3 milyon dəyərində kredit şirkətə olan inam və imicin möhkəmləndirilməsi yolunda atılmış daha bir addımdır: "Reytinqin alınması üzrə danışıqlar artıq başlayıb".
Qeyd edək ki, BSŞ 2002-ci ildə Azərbaycan Beynəlxalq Bankı tərəfindən yaradılıb. Hazırda şirkət fiziki və hüquqi şəxslərə 33 növ sığorta xidməti göstərir.