Azərbaycan, Bakı, 7 iyul /Trend, müxbir Zülfiyyə Qurbanova/
Azərbaycan Əmlak Məsələləri Dövlət Komitəsi "Gəncə Mənzil Tikinti" MMC-nin səhmlərinin 99,96 faizinin satışı üzrə investisiya müsabiqəsi elan edib.
Trend-in məlumatına görə, bu barədə dünən komitənin "Mülkiyyət" qəzetində dərc olunan məlumatda deyilir.
Müsabiqədə Azərbaycanın fiziki və hüquqi şəxsləri, habelə xarici investorlar iştirak edə bilərlər.
Müsabiqədə iştirak etmək istəyənlər investisiya proqramını təqdim etməlidirlər. Proqrama istehsalın təkmilləşdirilməsi, investisiya təklifinin dəyərinin 5 faizi olan ban zəmanəti, dövlət büdcəsinə 550 min manat ödənilməsi üzrə təklif daxildir.
İddiaçı niyyətinin ciddiliyini təsdiq etmək üçün istənilən bankın 185 min manat dəyərində təminatlı məktubunu təqdim etməlidir.
ASC-nin ştatı 20 nəfərdir.
"Gəncə Mənzil Tikinti" dəmir-beton materiallarının istehsalı və tikinti-montaj işləri ilə məşğul olur. ASC-nin nizamnamə kapitalı 2,7 milyon manatdır və bu məbləğə hər birinin nominal dəyəri iki manat olan 1 348 546 sənədsiz adlı səhm buraxmaq oalr.
Müsabiqənin predmeti ümumi nominal dəyəri 2 696 108 manat olan 1 348 054 səhmdir.
Müəssisənin öhdəlikləri 2014-cü il aprelin birinə 519,67 muin manat, eləcə də əməkhaqqı borcları və ona bərabər olan borclar 8,04 min manat, mallar, iş və xidmətlər üzrə borclar 453,32 mni manatdır. ASC-nin debitor borcu 248,95 min manatdır.
İddiaçılar ətraflı məlumatı avqustun 5-dək hər gün saat 10:00-dan 17:30-dək ala bilərlər. Ünvan: Bakı, Y.Səfərov küçəsi, 50.
Təkliflər avqustun 5-dək saat 10:00-dan 17:30-dək qəbul edilir.
Təkliflərin qiymətləndirilməsi konkurs komissiyası tərəfindən Komitənin binasında avqustun 6-dan saat 15:00-dan aparılacaq.
