...

Azərbaycanda polimer material istehsalçısı təkrar investisiya müsabiqəsinə çıxarılıb

Biznes və iqtisadiyyat xəbərləri Materials 12 İyul 2014 12:53

Trend-i buradan izləyin

Azərbaycan, Bakı, 12 iyul /Trend, müxbir Emin Əliyev/

Əmlak Məsələləri Dövlət Komitəsi "Ceyranbatan Polimer Materialları" ASC-nin səhmlərinin 99,88 faizinin satışı ilə bağlı investisiya müsabiqəsi elan edib.

Müəssisə təkrar satışa çıxarılıb. O, ilk dəfə iyunun əvvəllərində müsabiqəyə çıxarılmışdı.

Trend-in "Mülkiyyət" qəzetinə istinadən verdiyi məlumata görə, müsabiqədə Azərbaycanın fiziki və hüquqi şəxsləri, habelə xarici investorlar iştirak edə bilərlər.

Müsabiqədə iştirak etmək istəyənlər investisiya proqramını təqdim etməlidirlər. Proqrama istehsalın təkmilləşdirilməsi, təmir və mövcud tikililərin, avadanlıq və qurğuların yenilənməsi üzrə təklif, investisiya təklifinin dəyərinin 5 faizi olan ban zəmanəti, dövlət büdcəsinə 400 min manat ödənilməsi üzrə təklif daxildir.

İddiaçı niyyətinin ciddiliyini təsdiq etmək üçün istənilən bankın 130 min mant dəyərində təminatlı məktubunu təqdim etməlidir.

ASC-nin ştatı 20 nəfərdir.

"Ceyranbatan Polimer Materialları" polimer drenaj boruların istehsalı ilə məşğul olur. ASC-nin nizamnamə kapitalı 962,87 min manatdır. Bu məbləğdə hər birinin nominal dəyəri 2 manat olan 481 435 sənədsiz adlı səhm buraxılıb.

Müsabiqənin predmeti ümumi nominal dəyəri 961 738 manat olan 480 869 səhmdir.

2014-cü il iyunun birinə müəssisənin öhdəlikləri 171,21 min manat, o cümlədən, əməkhaqqı və ona bərabər borclar 26,65 min manat, mallar, işlər və xidmətlər üzrə 17,02 min manatdır. ASC-nin debitor borcu 69,49 min manatdır.

Müsabiqədə iştirak etmək istəyənlər əlavə məlumat almaq və özəlləşdirmə planı ilə tanış olmaq üçün 27 avqust hər gün saat 10.00-dan 17:30-dək aşağıdakı ünvana müraciət edə bilərlər:

Bakı, Y.Səfərov küçəsi, 50. Ərizə və təkliflər 27 avqust saat 10.00-dan 17:30-dək dək qəbul edilir.

Təkliflərin qiymətləndirilməsi konkurs komissiyası tərəfindən Komitənin binasında avqustun 29-da saat 11:00-dan aparılacaq. .

Məqalədə:
Xəbər lenti

Xəbər lenti