Azərbaycan, Bakı, 14 iyul /Trend, müxbir Zülfiyyə Qurbanova/
2014-cü ilin yanvar-iyun aylarında Azərbaycanın iqtisadi və sosial sahələrinin inkişafı üçün bütün maliyyə mənbələrindən əsas kapitala 7625,9 milyon manat yatırılıb ki, bu da ötən ilin I rübünün göstərcisini 3,4 faiz üstələyir. Trend-in məlumatına görə, bu barədə Dövlət Statistika Komitəsinin hesabatında deyilir.
İnvestisiyaların ümumi həcminin 69,5 faizi tikinti-montaj işlərinə qoyulmuş investisiyaların payına düşüb. Bu göstəricinin artımı 10,7 faiz olub.
Göstərilən dövrdə istehsal yönümlü obyektlərin tikintisinə 5179,3 milyon manat, xidmət sahəsindəki obyektlərə 2446,6 milyon manat investisiya yatırılıb. İnvestisiyaların 50,8 faizi dövlət, 49,2 faizi isə qeyri-dövlət müəssisələrinin payına düşür.
İnvestisiyaların ümumi həcminin 70,7 faizi daxili investisiyaların payına düşüb. Daxili investisiyaların 66,1 faizi dövlət müəssisə və təşkilatlarının, 33,9 faizi isə özəl müəssisələrin payına düşüb.
Müəssisə və təşkilatların vəsaitləri hesabına əsas kapitala 4 240,2 milyon manat (investisiyaların ümumi həcminin 55,6 faizi), büdcə vəsaitlərindən 2 717,7 milyon manat (35,6 faiz), bank kreditlərindən 273,9 milyon manat (3,6 faiz), büdcədənkənar fondların vəsaitlərindən 135 milyon manat (1,8 faiz), əhalinin şəxsi vəsaitlərindən 220milyon manat (2,9 faiz) və digər vəsaitlərdən 39,1 milyon manat (0,5 faiz) investisiya yatırılıb.
Əsas kapitala yatırılmış vəsaitlərin 61,2 faizi (4 663,9 milyon manat) qeyri-neft sektorunun inkişafına (8,9 faiz azalma ilə) qoyulub, o cümlədən 619,2 milyon manat qeyri-neft sənayesi sektoruna (8,1) yatırılıb. Ölkənin neft sektoruna 2962 milyon manat (38,8 faiz), investisiya yatırılıb ki, bu da 2013-cü ilin ötən ilin analoji dövrünün göstəricisini 33,4 faiz üstələyir.
Dövlət Statistika Komitəsindən qeyd ediblər ki, investisiyaların 47 faizi sənaye sahəsinin, 18,8 faizi tikintinin, 7,3 faizi dövlət idarəçiliyinin, 7,2 faizi nəqliyyat və anbar təsərrüfatının, 4,6 faizi istirahət, əyləncə və incəsənətin, 4,6 faizi ticarətin və nəqliyyat vasitələrinin təmirinin, 3,1 faizi təhsilin, 1,8 faizi səhiyyənin və social xidmətlərin göstərilməsinin, 1,6 faizi inzibati və yardımçı xidmətlərin göstərilməsinin, 1,5 faizi turistlərin yerləşdirilməsi və iaşə sahəsinin, 0,8 faizi rabitə və informasiyanın, 0,4 faizi digərg sahələrdə xidmətlərin göstərilməsinin, 0,2 faizi daşınmaz əmlakla bağlı əməliyyatların, 0,1 faizi maliyyə və sığorta fəaliyyətinin payına düşüb.
