Azərbaycan, Bakı, 1 oktyabr /Trend, müxbir Azad Həsənli/
Bu il Azərbaycanda quraqlıq səbəbindən taxıl istehsalının həcmi azalıb. Trend-in məlumatına görə, bunu çərşənbə günü jurnalistlərə kənd təsərrüfatı naziri Heydər Əsədov deyib.
Onun sözlərinə görə, yağıntıların olmaması səbəbindən taxıl məhsuldarlığı ilə bağlı problemlər yarandı: "Bununla əlaqədar respublikaya belə şəraitə uyğunlaşdırılmış yeni buğda toxumları gətiriləcək".
H.Əsədov qeyd edib ki, bu il təqribən 10 min ton yeni buğda növləri gətiriləcək: "Artıq müqavilələr imzalanıb. Biz gələn ildən rayonlaşdırılmış və xarici növlərin yayılmasına çalışacağıq".
