Azərbaycan, Bakı, 3 oktyabr /Trend, müxbir Azad Həsənli/
2014-cü ilin sentyabr ayı ərzində avtonəqliyyat vasitəsi sahiblərinin mülki məsuliyyətinin icbari sığortası (AVSMMİS) üzrə İcbari Sığorta Bürosunun (İSB) iştirakçıları olan sığorta şirkətləri tərəfindən 1816 sığorta tələbi üzrə 2,2 milyon manatdan çox sığorta ödənişi həyata keçirilib.
Avqustda 1810 tələb üzrə 2,3 milyon manatdan artıq ödəniş edilib.
Trend-in Büroya istinadən verdiyi məlumata görə, ödənilmiş sığorta tələblərinin və həmin tələblər üzrə həyata keçirilmiş sığorta ödənişlərinin zərərin növü üzrə bölgüsü aşağıdakı kimi olub:
|
Nəqliyyat vasitəsinə dəyən zərər üzrə |
Əmlaka dəyən zərər üzrə |
Sağlamlığa dəyən zərər üzrə |
Şəxsin ölümü üzrə |
Cəmi |
|||||
|
Say |
Məbləğ |
Say |
Məbləğ |
Say |
Məbləğ |
Say |
Məbləğ |
Say |
Məbləğ |
|
1 704 |
1 973 140 |
37 |
50 601 |
56 |
68 300 |
19 |
95 000 |
1 816 |
2,187,041 |
2014-cü ilin sentyabrında həyata keçirilmiş ödənişlərin həcmi avqusta nisbətən 4,9 faiz, ötən ilin analoji dövrü ilə müqayisədə isə 5,1 faiz az olub. Avtomobilə dəymiş zərərə görə bir ödənişin orta hesabla həcmi 1 157,9 manat təşkil edib.
2014-cü ilin yanvar-sentyabr ayları ərzində avtonəqliyyat vasitəsi sahiblərinin mülki məsuliyyətinin icbari sığortası üzrə İSB-nin iştirakçıları olan sığorta şirkətləri tərəfindən ümumilikdə 19,4 milyon manat sığorta ödənişi həyata keçirilib.
Cari ilin yanvar-sentyabr ayları ərzində İSB tərəfindən 56 kompensasiya tələbi üzrə 181 376 manat məbləğində kompensasiya ödənişi həyata keçirilib.
Həmçinin 2014-cü ilin yanvar-sentyabr ayları ərzində Büronun iştirakçı sığorta şirkətləri tərəfindən 2013-cü il iyulun 20-dən etibarən informasiya sistemi vasitəsilə rəsmiləşdirilən daşınmaz əmlakın icbari sığorta müqavilələri üzrə 217 sığorta tələbi qeydiyyata alınıb və 450 min manata yaxın sığorta ödənişi həyata keçirilib. Həyata keçirilən sığorta ödənişlərinin 47%-i yaşayış evləri və mənzillər, 53%-i isə digər daşınmaz əmlakla bağlı olub.
