Azərbaycanda mənzil fondu təxminən iki dəfə artıb
Azərbaycan, Bakı, 20 oktyabr /Trend, müxbir Azad Həsənli/
2014-cü ilin yanvar-sentyabr aylarında Azərbaycanda 5 983,8 milyon manat dəyərində tikinti işləri aparılıb. İnşaat işlərinin həcmi ötən ilin analoji dövrü ilə müqayisədə 3,8 faiz artıb. Trend-in məlumatına görə, bu barədə Dövlət Statistika Komitəsinin hesabatında deyilir.
Görülmüş tikinti işlərinin ümumi həcmindən 63,9 faizi yeni tikinti, yenidənqurma və genişləndirmə, 17,5 faizi əsaslı təmir, 5,faizi cari təmir, 13,5 faizi isə digər inşaat işlərinin payına düşüb.
|
İstifadəyə verilmişdir |
Yanvar-sentyabr, 2014-cü il |
Əvvəlki ilin müvafiq dövrünə nisbətən(müqayisəli qiymətlərlə), faizlə |
|
Yaşayış evləri, ümumi sahə, min kv.metr |
1459,3 |
96,2 |
|
Xəstəxalara, çarpayılar |
230 |
43,4 |
|
Ümumtəhsil məktəbləri, şagird yeri |
24 812 |
97,8 |
|
Məktəbəqədər təhsil müəssisələri, yer |
1 092 |
72,4 |
|
Əsas kapitala yönəldilmiş vəsaitlər, milyon manat |
11 868,5 |
100,2 |
|
O cümlədən - məhsul istehsalı obyektlərinin tikintisi |
8 093,9 |
121,1 |
|
- xidmət sahələri üzrə obyektlərin tikintisi |
3774,6 |
73,1 |
|
Ümumi vəsaitdən tikinti-quraşdırma işlərində istifadə edilmişdir-cəmi |
8 678,6 |
108,5 |
Sentyabrda mənzillərin istismara verilməsi avqust ayına nisbətən 1,97 dəfə, ötən ilin analoji dövrünə nisbətən 54,9 faiz artıb.
Dövlət Statistika Komitəsinin məlumatına görə, sentyabrda 313,8 min kvadrat metr mənzil istifadəyə verilib. Avqustda bu rəqəm 159,06 min kvadrat metr olub. 2014-cü ildə hələlik 1459,3 min kvadrat metr mənzil istifadəyə verilib ki, bu da ötən ildəkindən 3,8 faiz azdır.
2014-cü ilin 8 ayı ərzində Azərbaycanın inşaat bölməsinə 98,1 min nəfər cəlb edilib, tikinti sektorunda nominal əməkhaqqı 627,2 manat təşkil edib ki, bu da 2013-ci ilin müvafiq dövrünə nisbətən 1,3 faiz çoxdur.Belə ki, dövlət şirkətlərində orta aylıq əməkhaqqı 508,8 manat (il ərzində 2,6 faiz artım), özəl şirkətlərdə isə 679,5 manat (0,4 faiz artım) təşkil edib.
Binaların tikintisi sahəsində əməkhaqqı bu ilin 8 ayı ərzində 1,7 faiz azalaraq orta hesabla 556 manat, ixtisaslaşdırılmış tikinti işlərində 22,4 faiz artaraq 923,2 manat, mülki təyinatlı tikinti işlərində isə 16,5 faiz azalaraq 499,5 manat olub.
