Azərbaycan, Bakı, 11 noyabr /Trend/
Azərbaycan Beynəlxalq Bankı (ABB) və Türk Eximbank (Türkiye İhracat Kredi Bankası A.Ş.) arasında 15 milyon ABŞ dolları məbləğində kredit sazişi imzalanıb.
ABB-nin mətbuat xidmətindən Trend-ə verilən məlumata görə, Azərbaycan Respublikası və Türkiyə Cümhuriyyəti arasında ticarət əlaqələrinin inkişaf etdirilməsini, ticarət əqdlərinin və Türkiyə mənşəli mal və xidmətlərin maliyyələşdirilməsini nəzərdə tutan müqavilə çərçivəsində cəlb olunan vəsait Azərbaycan Beynəlxalq Bankı tərəfindən Türkiyədən mal idxal edən Azərbaycan şirkətlərinə orta və uzunmüddətli kreditlər şəklində verilməklə, onlara maliyyə dəstəyi göstəriləcək.