...

Sankt-Peterburqdan Bakıya uçuşlar dayandırılıb

Biznes və iqtisadiyyat xəbərləri Materials 29 Aprel 2015 16:15
"Rossiya" aviaşirkəti Sankt-Peterburq - Bakı birbaşa reysini dayandırıb.
Sankt-Peterburqdan Bakıya uçuşlar dayandırılıb

Trend-i buradan izləyin

Azərbaycan, Bakı, 29 aprel /Trend, müxbir Maksim Tsurkov/

"Rossiya" aviaşirkəti Sankt-Peterburq - Bakı birbaşa reysini dayandırıb.

Trend-in Rusiya mətbuatına istinadən verdiyi məlumata görə, Sankt-Peterburq - Bakı - Sankt-Peterburq aviareysinin ləğvi ilə yanaşı, şirkətin Sankt-Peterburqdan bir sıra MDB ölkələrinə olan reysləri də ixtisar olunub.

"Aeroflot"un törəmə şirkəti olan "Rossiya"nın yaydığı məlumatda deyilir ki, son bir ayda 10-a yaxın istiqamətdə reyslər dayandırılıb: "Xüsusilə də Bakı, Minsk, Yerevan, Düşənbə, Xocənd, Nəvai, Buxara və Fərqanəyə uçuşlar dayandırılıb. Hələ ötən il "Rossiya" Bişkəkə reyslərdən imtina etmişdi. Bundan başqa, Kişinyova uçuşlara başlamaq haqqında plan da ləğv olunub".

Reyslərin ləğvinə əsas səbəb kimi, iqtisadi böhrandan sonra əmək miqrantlarının axınının azalması göstərilir. Bundan başqa, Kişinyova uçuş planında qeyd olunan bir neçə "AN-148" təyyarəsi də qeyri-müəyyən səbəblərdən şirkətin parkından çıxarılıb ki, nəticədə təyyarə çatışmazlığı yaranıb.

Məqalədə:
Xəbər lenti

Xəbər lenti