Azərbaycan, Bakı, 24 sentyabr /Trend, müxbir Ənvər Məmmədov/
Azərbaycanda işə qəbul edilərkən əməkdaşların icbari tibbi sığortasının tətbiq edilməsi təklif olunur. Trend-in məlumatına görə, bu barədə 2016-2019-cu illər və növbəti 3 il üçün Azərbaycanın sosial-iqtisadi inkiaşf konsepsiyası layihəsində deyilir.
Layihəyə əsasən, bu, Azərbaycanın sığorta siyasətinin ən prioritet istiqamətlərindən biridir. 2016-cı ilin büdcə zərfi hazırda Mill Məclis tərəfindən nəzərdən keçirilir.
Layihədə qeyd edilir ki, səmərəli sığorta sisteminin formalaşdırılması üçün Azərbaycan aşağıdakı istiqamətlərə də diqqət ayıracaq:
- sığorta sisteminin inkişafı və onu iqtisadi artımın vacib amilinə çevirmək məqsədilə qanunvericilik bazasının təkmilləşdirilməsi;
- sığortaçıların maliyyə sabitliliyini və ödəniş qabiliyyətinin gücləndirilməsi;
- sığortaçıların maraqlarının qorunması mexanizmlərinin təkmilləşdirilməsi;
- dövlətin sığorta üzərində səmərəli nəzarətinin artırılması;
- əhalinin əmanətlərinin uzunmüddətli sərmayələrə transformasiya edilməsi sisteminin inkişafı;
- milli sığorta sisteminin dünyaya inteqrasiyasının davam etdirilməsi;
- sığorta hadisələrində sənədlərin rəsmiləşdirilməsi prosedurunun təkmilləşdirilməsi;