...

"Nobel Oil" şirkəti “Şəffaf Vergi Partnyoru” statusuna layiq görülüb

Biznes və iqtisadiyyat xəbərləri Materials 16 Oktyabr 2017 15:31 (UTC +04:00)
"Nobel Oil" şirkəti şəffaf maliyyə fəaliyyətinə görə Vergilər Nazirliyi tərəfindən “Şəffaf Vergi Partnyoru” statusu ilə təltif olunub.
"Nobel Oil" şirkəti “Şəffaf Vergi Partnyoru” statusuna layiq görülüb

Trend-i buradan izləyin

Bakı. Trend:

"Nobel Oil" şirkəti şəffaf maliyyə fəaliyyətinə görə Vergilər Nazirliyi tərəfindən “Şəffaf Vergi Partnyoru” statusu ilə təltif olunub.

Şirkətdən Trend-ə verilən məlumata görə, “Şəffaf Vergi Partnyorluğu” təcrübəsinin yaradılması vergi ödəyicisi və vergi orqanı arasında tərəfdaşlıq münasibətlərinin dərinləşdirilməsi və keyfiyyətcə yeni müstəviyə qaldırılması istiqamətində yeni yanaşmadır.

“Şəffaf Vergi Partnyoru” statusuna layiq olmaq üçün şirkət bir sıra meyarlara cavab verməlidir. Vergi ödəyicisi, ilk növbədə, vergiləri tam həcmdə və vaxtında ödəməli, vergi hesabatlarını vaxtlı-vaxtında təqdim etməli, işçilərinin sayını və onlara verilən əmək haqlarını düzgün bəyan etməli, gücləndirilmiş elektron imzaya sahib olmalı, mühasibat uçotunu beynəlxalq və milli uçot standartlarına uyğun, riskli vergi ödəyiciləri ilə əməliyyatlar aparmamalı, son 3 il ərzində iqtisadi sahədə cinayət təqibinə məruz qalmayan ödəyici olmalıdır.

"Nobel Oil" ölkənin neft-qaz sektorunda aparıcı şirkətlərdən olaraq dayanaqlı inkişaf istiqamətində davamlı səylər göstərir. "Nobel Oil" şirkətlər qrupuna daxil olan müəssisələr qazma, tikinti və layihələrin idarəedilməsi, eləcə də avadanlığa texniki xidmət, təchizat və layların neftverimliliyinin artırılması xidmətlərini göstərir.

Məqalədə:
Xəbər lenti

Xəbər lenti