Bakı. Ənvər Məmmədov - Trend:
Azərbaycanın İqtisadiyyat Nazirliyi "SOCAR Polymer" zavodunun məhsullarının potensial alıcıları ilə danışıqlar aparır.
Trend-in məlumatına görə, bunu Azərbaycanın iqtisadiyyat nazirinin müavini Niyazi Səfərov Sənayedə Yerli xammalın istifadəsi ilə idxalı əvəz edən istehsalın genişləndirilməsinə həsr olunmuş konfransda çıxışı zamanı deyib.
O qeyd edib ki, hazırda 15 şirkətlə danışıqlar davam edir: "Gələcəkdə bu rəqəmin artacağı gözlənilir. Artıq indi 50 ton polietilenə tələbat var".
Qeyd edək ki, "SOCAR Polymer" layihəsinin dəyəri 750 milyon dollar təşkil edir. Layihə Sumqayıt kimya-sənaye parkında reallaşdırılır.