...

Azərbaycanda kreditlərin məqsədyönlü istifadəsinə nəzarət gücləndiriləcək (FOTO)

Biznes və iqtisadiyyat xəbərləri Materials 24 May 2018 14:39
Kreditlərin məqsədyönlü istifadəsinə nəzarət məqsədilə Azərbaycan Kənd Təsərrüfatı Nazirliyi yanında Kənd Təsərrüfatı Layihələri və Kreditlərin İdarə Edilməsi üzrə Dövlət Xidməti səlahiyyətli kredit təşkilatları ilə birgə kredit monitorinqi keçirəcək
Azərbaycanda kreditlərin məqsədyönlü istifadəsinə nəzarət gücləndiriləcək (FOTO)

Trend-i buradan izləyin

Bakı. İlkin Şəfiyev - Trend:

Kreditlərin məqsədyönlü istifadəsinə nəzarət məqsədilə Azərbaycan Kənd Təsərrüfatı Nazirliyi yanında Kənd Təsərrüfatı Layihələri və Kreditlərin İdarə Edilməsi üzrə Dövlət Xidməti səlahiyyətli kredit təşkilatları ilə birgə kredit monitorinqi keçirəcək.

Trend-in məlumatına görə, bunu xidmətin rəhbəri Mirzə Əliyev deyib.

Onun sözlərinə görə, bu sahədə problemlərdən biri odur ki, götürülən kreditlər təyinatı üzrə yox, şəxsi məqsədlər üçün istifadə olunur:

“Bu isə problemli kreditlərin artmasına gətirib çıxarır. Ona görə də biz səlahiyyətli kredit təşkilatları ilə birgə monitorinq keçirəcəyik. Bu, heç bir halda sahibkarlara maneə olmayacaq”.

M.Əliyev əlavə edib ki, ilin sonunadək Dövlət Xidməti kənd təsərrüfatı məhsulları istehsalı və emalı sahəsində məşğul olan sahibkarlara ilin sonunadək 10 milyon manatadək güzəştli kredit verməyi planlaşdırır.

Qeyd olunur ki, kreditlərin verilməsinə bu gündən başlanacaq. Kreditin minimal məbləği 1000 manat, maksimal məbləği 200 min manat, maksimal faiz dərəcəsi isə 7 faiz təşkil edir.

Məqalədə:
Xəbər lenti

Xəbər lenti