Sentyabrda kənd təsərrüfatı nazirliyi spirtli və tütün məhsullarının istehsalı və satışı üzrə lisenziyalar verməyə başlayacaq.Bu barədə Trend ə nazirliyin bitkiçilik, toxumçuluq və aqrokimya xidməti şöbəsinin müdiri Sabir Vəliyev bildirib.
Onun sözlərinə görə, nazirlikdə lisenziyaların verilməsi üzrə xüsusi şöbə yaradılıb və onun ştatı təsdiq edilib.
S.Vəliyev həmçinin qeyd edib ki, nazirlik bitkiçilikdə və heyvandarlıqda istifadə olunan kimyəvi maddələrin satışının lisenziyalaşdırılmasına icazə alınması üçün rəsmən Nazirlər Kabinetinə müraciət edib. " Belə məhsulların xüsusi lisenziya olmadan satışı yolverilməzdir.
Belə ki, bunlar toksik maddələrdir və qida məhsulları ilə birgə satıla bilməz.Bundan öncə, bunların satışına lisenziya tələb olunurdu, amma bunları lisenziyalaşdırılmış məhsulların siyahısından çıxarmışdılar " -deyə o qeyd edib.