Azərbaycan Milli Bankı qısamüddətli notların satışı üzrə hərrac keçirib. Bakı Fond Birjasından Trend ə verilən məlumata görə, bu hərrac cari il ərzində hesabla 36-cıdır. İkinci prospekt notlarının 50101410S dövlət qeydiyyat nömrəli emissiya notları hərraca çıxarılıb.
Bu emissiya çərçivəsində ümumi həcmi 30 mlrd manat, dövriyyə müddəti 30 gün olan notlar hərraca çıxarılıb və onların ödənilmə vaxtı oktyabrın 5-nə təyin olunub.
Hərracda 5 investor iştirak edib, 99,12% (gəlirlilik-10,65%)-99,17 (10,04%) qiymət diapazonunda 25 951 mln manat məbləğində ərizələr verilib.
Kəsmə qiyməti 99,12 (gəlirlilik-10,65%), orta qiymət-99,14% (10,41%) təşkil edib.
Ərizələr təmin olunub. Qeyri-rəqabət xarakterli ərizələrin payına 4 215 mln manat düşüb.
Qeyd edək ki, cari ildə AMB ümumi həcmi 1 trln manat (500 mlrd manat) olan not emissiyalarının iki prospektinin yerləşdirilməsini qeydiyyata alıb.
Hazırda hər iki prospektin hesabına hər birinin nominal dəyəri 865 mlrd manat (1 trln manat məbləğində qeydiyyata alınmış iki emissiya prospektinin 86,5%-i) olan emissiya elan edilsə də, yalnız 450,477 mlrd manat və ya 36 emissiyanın elan olunmuş həcminin 52,078%-i cəlb olunub. Birini prospekt notlarının qalığı hərraca çıxarılmayıb.
