Əmək və Əhalinin sosial müdafiəsi Nazirliyi kənd yerlərində şəhid ailələri və əlillər üçün yaşayış evlərinin tikintisinə başlayıb. Əmək Nazirliyinin tikinti sektorundan Trend ə verilən məlumata görə, ümumi sahəsi 67,9 kvadrat metr olan 25 ayrı birmərtəbəli evlər tikiləcək. Bu cür evlərin 3-cü Naxçıvan Muxtar Respublikasında, digərləri isə respublikanın Gədəbəy, Lerik, Yardımlı kimi regionlarında istismara verilməsi nəzərdə tutulub.
Dövlət strukturundan bildiriblər ki, 10 gün ərzində artıq 4 obyektin istismara verilməsi planlaşdırılıb. Ümumilikdə bütün evlər cari ilin oktyabr ayının sonlarında sahiblərinə veriləcək.
Bundan başqa, Nazirlik yuxarıda göstərilən kateqoriyadan olan əhali üçün Xaçmaz rayonunda 2 mərtəbəli 16 mənzilli, Sumqayıtda 36 mənzilli binaların tikintisini aparır.