Azərbaycanın mütəxəssisi ICARDA -nın (International Center for Agricultural Reseach in the Dry Areas) təşkil etdiyi beynəlxalq konfransda iştirak edir. Kənd Təsərrüfatı Nazirliyinin elmi-aqrar mərkəzindən Trend ə verilən məlumata görə, tədbir oktyabrın 19-da Hindistanın paytaxtı Dehlidə öz işinə başlayır.
Paxlalı ərzaq bitkiləri üzrə araşdırmalara həsr olunan II beynəxalq konfransda Azərbaycan Milli Elmlər Akademiyasının Əkinçilik İnstitunun paxlalı bitkilər üzrə laboratoriyasının direktoru Lütfiyar Əmirov iştirak edir.
Mərkəzdən bildirilib ki, adı çəkilən konfransda iştirakını tədbirin təşkildatçıları maliyyələşdirir.
Konfransda paxlalı bitki və dənli bitkilərin yeni növlərinin yaradılması, eləcə də bu istiqamətdə müxtəlif ölkələr arasında əməkdaşlığın yeni layihələrinin reallaşdırılmasının perspektivlərinin müzakirəsi nəzərdə tutulur.
Mərkəzdən bildirilib ki, təşkilatın tədbirlərində Azərbaycanın bundan sonra iştirak etməsi məsələsi ICARDA-nın Orta Asiya və Cənubi Qafqaz regionları üzrə əlaqələndiricisi Racendra Pmarodanın cari ilin iyulunda Azərbaycana səfəri zamanı müzakirə olunub.
Konfran öz işini oktyabrın 22-də başa çatdıracaq.