Azərbaycanın auditorları Asiya ölkələri ali auditor institutları təşkilatının (ASOSAI) təşkil etdiyi beynəlxalq seminarda iştirak edəcək. Hesablama palatasında (HP) Trend ə bildirilib ki, noyabrın 15-dən 20-dək Alma-Atada keçiriləcək seminarda HP sədrinin müavini Abbas Allahverdiyevin başçılıq etdiyi nümayəndə heyəti iştirak edəcək.
"Azərbaycan seminarda Yaponiyanın Auditor Şurasının dəvətilə iştirak edəcək" -deyə HP-də qeyd olunub.
Tədbirdə ASOSAI-nin Azərbaycandan başqa digər üzv ölkələrinin, o cümlədən Qırğızıstan, Qazaxıstan, Monqolustan və s. iştirakı planlaşdırılır.
Asiya ölkələri ali auditor institutları təşkilatı (The Asian Organization of Supreme Audit Institutions ASOSAI) Beynəlxalq ali auditor institutları təşkilatının (International Organization of Supreme Audit Institutions INTOSAI) yeddi regional işçi qruplarından biri olaraq 1979-cu ildə təsis edilib. Təşkilatın 42 üzvü vardır.
