Azərbaycan Hesablama Palatasının sədr müavini Abbas Allahverdiyevin rəhbərlik etdiyi nümayəndə heyəti Qazaxıstana səfərə yola düşüb. HP-dən Trend ə verilən məlumata görə, səfərin məqsədi Asiya ölkələrinin ali auditor institutları təşkilatı tərəfindən təşkil olunmuş beynəlxalq seminarda iştirak etməkdir (ASOSAI).
HP-də onu da bildiriblər ki, noyabrın 15-20-də Alma-Atıda ali auditor strukturlarının rəhbər kadrlarının fəaliyyətinin təşkil olunmasına dair keçiriləcək seminara Azərbaycan Yaponiyanın Auditor Şurası tərəfindən dəvət olunub.
Tədbirdə Azrbaycandan başqa ASOSAI-yə üzv ölkələrin, o cümlədən Qırğızıstan, Qazaxıstan və Monqolustanın iştirakı gözlənilir.
Asiya ölkələrinin ali auditor institutları təşkilatı 1979-cu ildə yaradılıb. Bu təşkilata üzv ölkəlirn sayı 42-dir.
