Dünya Bankı (DB) ölkədə yeni su layihəsi həyata keçirmək niyyətindədir. Bu barədə bankın Bakı nümayəndəliyindən Trend xəbər agentliyinə məlumat verilib. Məlumata görə, bununla bağlı DB-nin su məsələləri üzrə missiyasının rəhbəri Bol Kris bu gün Bakıya səfərə gəlib. Səfərin əsas məqsədi yeni su layihəsinin hazırlanmasının ilkin mərhələsinə başlamaq, ölkədə su sayğaclarının quraşdırılması sahəsində araşdırmalar aparmaq, məlumat toplamaq və yeni layihənin həyata keçirilməsinin ilkin istiqamətlərini müəyyən etməkdir. Bu məqsədlə missiya rəhbəri "Azərsu" və bir sıra hökumət qurumlarında görüşlər keçirəcək. Missiya rəhbərinin səfəri noyabrın 23-də başa çatacaq.
...
