2005-ci ilin noyabrında Azərbaycana səfər edəcək "Şərq komitəsi"nin nümayəndə heyətinə komitənin rəhbəri Klaus Manqold başçılıq edəcək. Bu barədə Trend ə Siemens-in Azərbaycandakı nümayəndəliyinin rəhbəri və baş direktoru, şirkətin müşahidə şurasının üzvü Samir Axundov ekskluziv məlumat verib.
Azərbaycan hökumətindən Trend ə verilən məlumata görə, Komitənin nümayəndələri Azərbaycana noyabrın 23-də gələcək və ölkədə noyabrın 24-ə qədər qalacaqlar. Hazırki anda tam miqyasda belə ölçüdə görüşlərin təşkili məsələsinə baxılır ", - deyə hökumətdən bildirilib.
Komitənin nümayəndələrinin səfəri 4 ölkə -Özbəkistan, Qazaxıstan, Türkmənisan və Azərbaycana turne çərçivəsində həyata keçirilir. Səfərdə məqsəd Azərbaycanla Almaniya arasında biznes sahəsində əlaqələrin genişləndirilməsinin fəallaşması məqsədi daşıyır. Hökumətdən bildirildiyi kimi, XİN vasitəsilə Azərbayücan prezidenti ilə görüş istənilib. Cari ilin 8 ayı ərzində Almaniya ilə Azərbaycan arasında mal dövriyyəsi $169614,8 min təşkil edib ki, bu zaman idxal $158 852,2 min, ixrac $10762,6 min olub. Balansın mənfi saldo $148089,6 min təşkil edib. Bu zaman Azərbaycan hökumətində hesab edirlər ki, mal dövriyyəsinin inkişaf potensialı daha zəngindir. Əvvəllər iqtisadi inkişaf nazirinin müavini Mikayıl Cabbarov qeyd edib ki, qarşıdakı 2 il ərzində ölkələr arasında mal dövriyyəsi minimum 50% artacaq.
