Azərbaycan Dövlət Dəmir Yolu İdarəsi Azərbaycanın regionlarında obyektlərin, dəmiryol stansiyaları və avadanlıqlarının təftişini başa çatdırıb. Bu barədə Trend ə ADDYİ-dən məlumat verilib.
"Hazırda təftişin nəticələri üzrə hesabat hazırlanır. Dekabrın ortalarında sənədin rəhbərlik səviyyəsində müzakirəsi gözlənilir. Prioritet tədbirlər müəyyən olunacaq, mənfi faktların aradan qaldırılması ilə bağlı tapşırıqlar veriləcək. ADDYİ qiymətləndirmənin yekunları üzrə görüləcək işlərin həcmini və dəyərini müəyyənləşdirəcək", - deyə ADDYİ-də bildirilib.
Baş mühəndis Qurban Nəzərovun rəhbərliyi ilə təftiş noyabrın 14-də Yalama yoxlama-buraxılış mətəqəsindən başlayıb və Yalama-Sumqayıt, Böyük Kəsik-Qazı Məhəmməd, Horadiz-Osmanlı, Bayramlı-Ələt, Əli-Bayramlı-Pirsaat-Biləcəri marşrutları üzrə davam edib. Dəmiryol stansiyaları, avadanlıqlar, vaqonlar və kommunikasiyanın yoxlanılması nəticəsində problemlər və çatışmazlıqlar aşkar edilib.
