2006-cı ildə Avropa Yenidənqurma və İnkişaf Bankı (AYİB) Almaniya- Azərbaycan Fondunun daha 3 bank tərəfdaşına mikro və kiçik sahibkarlığın maliyyələşdirilməsi çərçivəsində kredit xətti açmağı planlaşdırır. AAF-dan Trend ə verilən məlumata görə, Avropa bankı fondun tərəfdaş bankları olan Parabank, Azəriqazbank və Bank of Baku üçün limitləri müəyyən edib. Bundan əlavə, bu proqrama qeyri-bank kredit təşkilatlarının da qoşulması imkanları müzakirə edilir.
Bu banklara kredit xəttinin açılması barədə razılığın Avropa bankına onların 2005-ci ildə fəaliyyətlərinin yekunu üzrə illik hesabatın təqdim olunması mümkündür.
Bu, Avropa bankının yeni proqramıdır və bu proqrama Azərbaycanda ilk dəfə olaraq 2005-ci ilin noyabrında Azəriqazbank, daha sonra UniBank və "Respublika" bankı qoşulub. Ümumitlikdə, orada AYİB-lə əməkdaşlıq edən ölkələrin 55 bankı iştirak edir. Onun əsas məqsədi daha az borc alanları maliyyə ehtiyatları ilə təmin etməkdir. Bu kredit xətti üzrə Azərbaycan banklarına $5 mln. vəsait ayrılıb ki, həmin vəsaitdən $1 mln. Azərdəmiryolbanka, UniBank və "Respublika" banklarının hər birinə $2 mln. düşür. Bu gün üçün AYİB banklar tərəfindən martın sonlarına kimi mənimsəniləcək və ümumi məbləği $1,1 mln. olan bir tranş ayırıb.
AAF ilə AYİB arasında əldə olunan razılığa əsasən, fond bu proqram çərçivəsində Azərbaycanın bankları ilə məsləhətləşmələr aparacaq.
