"Milli Ehtiyat Bankı" Azərbaycanın Türkmənistana borcunun nizamlama sxemini hər iki tərəflə razılaşdırıb. Bu, bank tərəfindən hər iki ölkənin hökumətindən müvafiq mandatın əldə edilməsindən sonra mümkün olub. Trend in məlumatına görə, bankın İdarə Heyətinin sədri Yuri Kudimov bildirib.
Onun sözlərinə görə, Azərbaycanın Türkmənistana borclarını qaytarılması problemi uzun müddət həm maliyyə-iqtisadi, həm də siyasi xarakter daşıyıb.
"Əsas məsələ mandatın alınmasından sonra bilavasitə iqtisadi aspektdə olan müzakirələrə keçilməsidir. Bu, müəyyən vaxt aparır və demək olar ki, ötən ilin ortalarında nizamlanma sxemi ilə bağlı olan bir çox amillər həm bu, həm də digjər tərəflə razılaşdırılıb", - deyə bankın rəhbəri bildirib.
Lakin ötən ilin ortalarında Türkmənistanda yaranan bir sıra siyasi şərait Türkmənistan tərəfində bu məsələ ilə məşğul olan şəxslər indi bu vəzifədə çalışmırlar. "Hələlik Türkmənistan tərəfdən dialoqun kimlərin davam etdirəcəyi məlum deyil. Azərbaycana gəldikdə isə, bizə bildirilib ki, Azərbaycan tərəfinin mövqeyində dəyişiklik olmayıb və məhz bu mövqe bizə sövdələşməni əsaslı surətdə tamamlamağa imkan verdi", - deyə bankın nümayəndəsi bildirib.
Bundan əlavə, bankın rəhbəri qeyd edib ki, borcun məbləği ilə bağlı bir çox problemlər meydana çıxıb. Belə ki, tərəflər onun məbləğinin müxtəlif ölçüdə (Azərbaycan tərəfi $18 mln., Türkmənistan tərəfi isə $56 mln.)şərh edirlər. "Bank çıxış yolunu tərəflərin maliyyə-iqtisadi maraqlarını pozmayan və hər iki tərəfi qane edən müəyyən sxem təklif edilməsində tapdı", -deyə o sonda bildirib.
Qeyd edək ki, Azərbaycanın Türkmənistana borcu 90-cı illərin əvvəllərində türkmən qazının tədarükü ilə bağlı meydana çıxıb.
