Dünya Bankı Azərbaycan hökumətinin ölkənin kənd təsərrüfatının inkişafı və kreditləşməsi layihəsindən (2-ci faza) daşınmaz əmlakın qeydiyyatı üzrə komponentin ayrılması barədə təklifi ilə razılaşıb. Bu barədə Trend ə Hökumətdən məlumat verilib.DB-nın məsləhətçiləri kadastrın yaradılması ehtimal olunan yeni laüihənin artıq işlənməsinə başlayıblar. İşlərin dəyərinin qiymətləndirilməsi 2006-cı ilin birinci yarımilliyində başa çatır.
Kənd təsərrüfatı layihəsində torpaq reyestrinin yaradılması üçün $5-10 mln. vəsait ayrılıb. Hökumətdə hesab edirlər ki, bu vəsait belə böyük və mürəkkəb layihə üçün kifayət deyil. Çünki təkcə Naxçıvanda kənd təsərrüfatı layihəsinin birinci fazası çərçivəsində reyestrin yaradılmasına $3 mln. sərf olunub. Və onu da nəzərə almaq lazımdır ki, Naxçıvanda 300 min əhali yaşayır. Deməli, 8 mln. əhalisi olan bütün respublikanı əhatə edən tam miqyaslı layihənin həyata keçirilməsi üçün $15-20 mln. vəsait tələb olunur.
Kadastrın yaradılması üzrə komponentin ayrılması kənd təsərrüfatı layihəsinin dəyərinin dəyişməsinə təsir etmir. DB-nın krediti ilk kreditin olduğu həcmdə ($30 mln.) olacaq. Maliyyələşdirmə uyğunlaşdırılmış "Kənd təsərrüfatının inkişafı və kreditləşmə" proqramı çərçivəsində həyata keçiriləcək və DB onun həyata keçirilməsi üçün ümumilikdə $100 mln. vəsait təqdim edib.
Aparılan danışıqlar çərçivəsində Azərbaycan hökuməti və DB layihənin ikinci fazası çərçivəsində kredit komponentinin artırılması barədə vazid razılığa gəliblər. Baş naziri müavini A.Abbasovun Trend ə verdiyi məlumatda bildirilir ki, ilkin məlumatlara görə, $5 mlna qədər artırılacaq. Bununla yanaşı, ölkənin tələbatları nəzərə alınaraqüstünlük məhsulların saxlanılması üzrə müəssisələrin, emal müəssisələrinin yaradılmasına, lizinqin dəstəklənməsinə veriləcək.
Layihənin Direktorlar Şurasında 2006-cı ilin ikinci yarımilliyində imzalanacağı gözlənilir.
