...

QKDK-nin sədri ilə tikinti şirkətlərinin görüşü martın 6-da keçiriləcək

Biznes və iqtisadiyyat xəbərləri Materials 3 Mart 2006 18:19 (UTC +04:00)

Trend-i buradan izləyin

AR prezidenti yanında Qiymətli kağızlar üzrə Dövlət Komitəsi martın 6-da Azərbaycanda çalışan və yaşayış binalarının tikintisi ilə məşğul olan inşaat şirkətləri ilə görüşəcək. Bu barədə Trend ə QKDK-nin sədri Gündüz Məmmədov bildirib. Qarşıdakı görüşdə Dövlət Komitəsi tikinti şirkətlərinə qiymətli kağızlar bazarında fəal iştirak etməyə çağıracaq, onların üzləşdikləri problemlər müzakirə olunacaq.

Yaşayış binaları tikintisinin fəallaşması ilə əlaqədar Dövlət Komitəsi dövr etməsi üçün artıq bütün normativ-hüquqi bazanın işlənib hazırlandığı mənzil sertifikatlarını təklif edəcək.

"Hazırda mənzil alıcıldarı və tikinti şirkətləri öz aralarında gəldikləri razılıq əsasında sövdələşmə bağlayırlar. Bu zaman mənzil üçün ödəniş ilkin mərhələdə binanın tikilişinə görə aparılır və bir çox hallarda iş məhkəməyə qədə gedib çıxır", - deyə G.Məmmədov bildirib.

Problemlərdən qaçmaq üçün mənzil sertifikatları buraxmaq lazımdır ki, bu da binanfın qalan hisəsinin tikintisini təmin etməyə imkan versin. Bu qiymətli kağızlar banklardan kredit alınarkən də istifadə oluna bilər. Bu zaman əməliyyat Dövlət Komitəsində qeydiyyatdan keçir və mənzil sertifikatlarının reyestri yaradılır. Girov qoyularkən qiymətli kağız dondurulur və depozitariyada çaxlanılmaq üçün götürülə də bilər. G.Məmmədovun sözlərinə görə, onlar digər tikililər üçün də (qarajlar və s.) buraxıla bilər.

Xəbər lenti

Xəbər lenti