Asiya inkişaf bankının (AİB) direktorlar Şurası Azərbaycanda "quş qripi"nin qarşısının alınması üçün martın 14-də $39 mln. həcmində texniki yardımı təsdiq etməyi planlaşdırır.AİB-in Bakı nümayəndəliyinin rəhbəri Metyu Vestfol Trend ə bildirib ki, yardım təsdiq edildikdən sonra AİB FAO, Beynəlxalq səhiyyə təşkilatı ilə birgə ölkələrə yardım göstərə bilər.
"Biz Amerika beynəlxalq inkişaf agentliyi (USAID), Dünya bankı və digər donorlarla da əməkdaşlıq edirik. AİB regional səviyyədə, DB isə dünya səviyyəsində aparıcı təşkilat olacaq. Bu razılaşma Pekində quş qripinə həsr olunmuş beynəlxalq konfransda əldə edilib" -deyə M.Vestfol bildirib. Azərbaycan Qafqazda və Mərkəzi Asiyada AİB-in yardım ayırdığı ilk ölkə olub.
AİB-in texniki yardım vəsaitlərindən bankın üzvləri də istifadə edə bilər. AİB hazırda quş qripi riski ilə bağlı vəziyyətə nəzarət üçün yardım strategiyasını hazırlayır.