...

Azərbaycanda zəmanətsiz kreditlərin uçotu ilə Milli Bank məşğul ola bilər

Biznes və iqtisadiyyat xəbərləri Materials 15 Mart 2006 16:54 (UTC +04:00)

Azərbaycanda zəmanətsiz dövlət kreditlərinin uçotunun və monitorinqinin aparılması "Dövlət borcu haqqında" qanun layihəsinin qüvvəyə minməsindən sonra müəyyən olunacaq orqana tapşırılacaq. Bu barədə Trend ə Maliyyə Nazirliyindən məlumat verilib. Orada göstərilib ki, bu funksiyalar dövlət orqanına həvalə edilə bilər. Bu zaman onların Azərbaycan Milli Bankına verilməsinin mümkünlüyü də istisna edilmir.

Bundan əvvəl BVF zəmanətsiz dövlət kreditlərinin uçotunun və monitorinqinin aparılmasını Milli Banka tövsiyə etmişdi. Baxmayaraq ki, qanun layihəsinin ilkin variantında zəmanətisiz kreditlər anlayışı tətbiq edilməmişdi. Sənədin yenidən işlənməsi və təkliflərin nəzərə alınmasından sonra AMB ayrıca bənddə daxil edilib.

AMB-nın ödəniş balansı üzrə departamentinin direktoru Rauf Mikayılzadənin sözlərinə görə, bu gün ödəniş balansını tərtib etmək, maliyyə axınının həcmini müəyyən etmək üçün AMB həm zaməntli, həm də zəmanətsiz dövlət kreditləri barədə informasiyaya malikdir. Lakin zəmanətsiz borcların uçotunun aparılması üzrə cavabdehliyin AMB-ya həvalə edilməməsi ilə bağlı bu informasiyalar daxili istifadə üçün qalır. R.Mikayılzadə onların sırasına bank tərəfindən ABƏŞ-dən neft müqavilələri çərçivəsində maliyyə işləri üçün, ARDNŞ-dən BTC tikinti layihəsində payının ödənilməsi üçün və s. alınan kreditləri daxil edir. Digər ölkələrdə bu funksiyalar üçün Mərkəzi Bank və Dövlət Statistika Komitəsi məsuliyyət daşıyır.

Milli Bank bu öhdəlikləri öz üzərinə götürməkdən imtina etməsə də, bunun üçün ona hüquqi haqq verilməli olduğunu hesab edir. Bunun qanunverici formada qaydaya salınmasının zəruriliyi rəsmi səlahiyyətlər olmadan özəl borclu şirkətlərdən məlumatın alınmasının çətin olması ilə izah edilir. MB hesab edir ki, zəmanətli borclardan fərqli olaraq' özəl kreditlərin ümumi həcmi o qədər də böyük deyil. Əgər onların həcmi artarsa' o zaman neft sektorunun hesabına (bu sektorun dolayısı ilə dövlətlə bağlı olduğuna görə) onların hesablanması aparılacaq. Bu gün zəmanətsiz kreditlərin uçotunun aparılmasının çətinliyi ondan ibarətdir ki, valyuta bazarının liberallaşdırılması nəzərə alınmaqla, ölkəyə kapitalın gətirilməsinə məhdudiyyət qoyulmur. Buna görə də onun hansı formada gətirildiyi məlum deyil. Lakin zəmanətsiz kreditlərin uçotu aparıldıqdan sonra ' Milli Bank (əgər bu funksiya ona verilərsə) bu gün Maliyyə Nazirliyinin zəmanətli kreditlərlə bağlı olduğu kimi tam informasiyaya malik olacaq. Bu, ümumi xarici borcları hesablamağa da imkan verər.

Xəbər lenti

Xəbər lenti