Hindistan hökuməti ticarətin inkişafının təşkili ilə bağlı Azərbaycanın 10 şirkətinə Dehlidə keçiriləcək ənənəvi ticarət sərgisində iştirak etmək üçün təklif göndərib. Trend in verdiyi məlumata görə, bu barədə martın 23-də Azərbaycanın Ticarət-Sənaye Palatasının vitse-prezidenti Mehman Əhmədov jurnalistlərlə söhbətində bildirib.
M. Əhmədov bildirib ki, sərgi 2006-cı ilin noyabrında Dehlidə keçiriləcək. Bütün xərcləri Hindistan tərəfi öz üzərinə götürüb. Vitse-prezidentin sözlərinə görə, Azərbaycanda beynəlxalq sərgilərdə iştirak etmək üçün maliyyə imkanlarına malik olan şirkətlər var və sevindirici haldır ki, belə şirkətlərin sayı artmaqdadır.
"Tamamilə mümkündür ki, respublikada iqtisadiyyatın qızğın inkişafı neft sektorunun deyil, özəl sektorun möhkəmlənməsi ilə müşahidə olunacaq və bu da uğurlu iqtisadi islahatların aparılması ilə əlaqədardır", - deyə sonda M. Əhmədov bildirib.