Aprelin 10-dan International Transaction Sistems investisiya şirkəti Azərbaycan Beynəlxalq Bankının (ABB) aksiyalarını yerləşdirməyə başlayır. Bakı Fond Birjasında (BFB) Trend ə bildirilib ki, aksiyalar birjanın ticarət sistemi vasitəsilə 6 ay ərzində yerləşdiriləcək.
Emissiyaların ümumi həcmi bir aksiyanın nominal dəyəri 0,2 manat olmaqla 20 mln. manat təşkil edir. Hazırda emissiyanın bu həcmindən dövlət payı (50,2%) ödənib. Dövlət büdcəsindən bu məqsədlə 10,040 mln. manat ayrılıb. 9,960 mln. manat məbləğində qalan aksiyalar ABB-nin digər səhmdarları olan qeyri-dövlət fiziki və hüquqi şəxslər arasında həyata keçiriləcək. Beləliklə, onlar ABB-nin nizamnamə kapitalında öz paylarına uyğun olaraq aksiyaları ala bilər. Aksiyaların bankın qalan səhmdarları arasında yerləşdirilməsi üçün International Transaction Sistems cəlb edilib.
