Dövlət əmlakının investisiya müsabiqələri vasitəsilə özəlləşdirilməsinə başlanılandan Azərbaycan müəssisələrinə $220 mln. vəsait qoyulub. Bu barədə jurnalistlərə Dövlət əmlakının idarə olunması üzrə Dövlət Komitəsinin sədri Kərəm Həsənov məlumat verib. İnvestisiya müsabiqələri vasitəsilə 42 dövlət müəssisəsi və obyekt özəlləşdirilib. Lakin sahiblərə 31 müəssisə üzrə mülkiyyət hüququ verilib.
Birinci rüb ərzində investisiya müsabiqələri vasitəsi ilə özəlləşdirilməyə çıxarılan "Bakı Teleqraf", "Salyan plastik kütlə emalı", "Xanlar Aqrosenaye" və "Azərşin" müəssisələrindən yalnız iki müəssisə ("Üzüm emalı" və "Oğuz şərab istehsalı") özəlləşdirilib.
K.Həsənovun sözlərinə görə, hətta özəlləşdirmədən sonra da müqavilə üzrə investisiya öhdəliklərinin yerinə yetirilməsinə nəzarət davam etdirilir.
