İstanbul-Alma-Atı dəmir yolunun İqtisadi Əməkdaşlıq Təşkilatı (İƏT) ölkələri üçün böyük əhəmiyyəti var. Bu barədə, Trend agentliyinin məlumatına əsasən, Türkiyə dövlət naziri Başir Atalay İƏT bildirib.
Onun sözlərinə görə, İƏT XİH başçılarının iclasında İstanbul-Tehran-Daşkənd-Alma-Atı dəmir yolunun tikintisi də müzakirə olunub. "Hazırda İstanbıl-Tehran yolu istifadə olunur. Dəmir yolu daşınmalarının İranın Türkmənistan sərhədinədək gerçəkləşdirilməsi imkanı var" - deyə B.Atalay qeyd edib. O, əlavə edib ki, iclas iştirakçıları Özbəkistan və Türkmənistanda dəmir yolu tikintisinin tezliklə başa çatdırılmasının vacibliyini vurğulayıb.
"Layihənin tezliklə həyata keçirilməsinə təkcə Türkiyə deyil, həm də Qazaxıstan maraq göstərir" - deyə nazir bildirib. O deyib ki, həmin yolun istismara verilməsi regional iqtisadi əməkdaşlıq üçün yeni təkan olacaq.
