Milli Məclisin insan hüquqları daimi komissiyasında "Dini etiqad azadlığı haqqında" qanuna əlavə və dəyişikliklər ediləcək. Bu barədə Trend ə adıçəkilən komissiyadan bildiriblər.
Onu da qeyd edək ki, 1992-ci ildə qəbul edilən "Dini etiqad azadlığı haqqında" qanunun bəzi müddəaları mövcud reallıqlarla uzlaşmadığından millət vəkilləri bu sənədə əlavə və dəyişikliklərin zəruriliyini bildiriblər.
O da bildirilib ki, adıçəkilən qanuna əlavə və dəyişikliklərin edilməsində Milli Məclisin müvafiq qanunvericilik şöbələri, komissiyaların işçi qrupları ilə yanaşı dini qurumların mütəxəssisləri də iştirak edəcək. Sənəd hazırlandıqdan sonra Milli Məclisin payız sessiyasına çıxarılacaq.