...

Azərbaycan Milli Bankı iyunun sonuna qədər "Milli kart"ı kommersiya banklarının idarəsinə verməyə hazırdır

Biznes və iqtisadiyyat xəbərləri Materials 13 İyun 2006 18:20 (UTC +04:00)

Birinci yarım ilin sonuna qədər Azərbaycan Milli Bankı "Milli kart" prosesinq mərkəzini kommersiya banklarının idarəsinə verməyi planlaşdırır. Bu barədə, Trend agentliyinin məlumatına əsasən, Milli Bankın idarə heyətinin sədri Elman Rüstəmov jurnalistlərə bildirib.

Onun sözlərinə görə, bankla danışıqlar uğurla davam etdirilir və bu məsələ nəzarət altında saxlanılır. "Artıq həmin məsələ ilə bağlı prinsipal qərar var, lakin hər şey banklardan asılıdır və mən iyunun sonuna qədər bank sektoru tərəfindən saziş bağlanılmasının nə qədər real olduğunu müəyyənləşdirmək istəyirəm" - deyə E.Rüstəmov əlavə edib.

Onun dediklərinə görə, 6 bankdan ibarət təşəbbüs qrupu yaradılıb və daha 20 bank "Milli Kart"ın səhmdarı olmaq istəyini bildirib. Sövda maya dəyirinə həyata keçiriləcək və bu, prosesinq mərkəzinin yaradılmasına sərf olunan bütün xərcləri ödəməyə imkan verəcək. Hazırda maya dəyərinin həcmi müəyyənləşdirilir və bu təxminən $3 mln. təşkil edəcək. Məbləğin bir hissəsi Dünya Bankının Azərbaycanın maliyyə sektoruna texniki yardım layihəsi çərçivəsində ayırdığı kreditin payına düşür.

"DB-nin krediti mərkəzin yeni səhmdarlarının adına təkrar rəsmiləşdiriləcək. Buna görə birinci mərhələdə xərclər faktiki olaraq böyük olmayacaq" - deyə Milli Bankın rəhbəri qeyd edib.

Xəbər lenti

Xəbər lenti